November 20 ------ Muling nakatanggap ng parangal ang GMA Integrated News Pillar at Unang Hirit host na si Arnold Clavio. Kinilala si Arnold bilang Asia's Influential Voice in Filipino Broadcasting sa katatapos lang na 2024 Asia's Pinnacle Awards.
Ang bagong tagumpay na ito ay bunga mula sa kanyang pagiging mahusay na mamamahayag, newscaster, at host sa GMA Network. Sa latest report sa Unang Hirit, inilahad ang mensahe ni Arnold tungkol sa bagong pagkilala na kanyang natanggap. Pahayag niya, “Itutuloy ko lang 'yung trabaho ko, 'yung dedikasyon ko sa GMA Network, sa radyo, at sa telebisyon. Ito'y hindi dahil sa mga karangalan kundi para patuloy na maging tinig sa katotohanan."
Ayon pa kay Arnold, itinuturing niyang inspirasyon ang naturang pagkilala upang mas husayan pa ang kanyang mga ginagawa bilang isang Kapuso journalist. Sabi niya, “Ito 'yung nagsisilbing inspirasyon na lalo pang galingan 'yung ginagawa mo ngayon sa GMA Network.”
Samantala, layon ng Asia's Pinnacle Awards na kilalanin at bigyang parangal ang mga indibidwal at organisasyong may malaking impact sa public service, entertainment, at pati na rin sa business industry.
Source: gmanetwork.com
Comments